top of page
drhany

Press reports about
Dr. Hani Abdel Gawad

محدش يعيط😥😥 إيناس اصبحت واحدة تانيه خالص بعد جراحة تصليح تحدب نادر بالعمود الفقري
02:36
Dr. Hany Abdel Gawwad Soliman

محدش يعيط😥😥 إيناس اصبحت واحدة تانيه خالص بعد جراحة تصليح تحدب نادر بالعمود الفقري

إيناس من السودان، بقالها كتير بتمشي و هي وموطيه لاكتر من مستوي الركوع و بقالها سنه و نصف منامتش علي ظهرها لانها مقوصه بالشكل دا، اول ما شوفتها قعدوا يكلموني عن الأمل اللي مستنينه من زمان و جابهم من السودان… إيناس حالتها نادرة جداً جداً، نادرة لدرجةٍ لم تثبت من قبل في الدنيا و كان القرار فيها صعب جداً عليا إيناس كانت عمليتها النهارده و كانت مبتهجه جداً و مش قلقانه خالص… الصبح زارها الشباب بتنوع عمليات الاثنين قبل خروجهم من المستشفي و اعطوها طاقه كبيره، زارها شادن من السودان و احمد من مصر و انسام من ليبيا و دعاء من مصر… والد إيناس قالي الصبح عايزين نصلي الفجر جماعه في غرفة ايناس قولتله انا صليت قبل ما اجي قالي لا نفسي نصلي جماعة و معانا ايناس و ام ايناس و انت تكون الامام… يا ابو ايناس يهديك يرضيك … المهم صلينا الفجر جماعة في غرفة إيناس و اتصورنا مع بعض انا و والد ايناس و والدتها ،و قعدنا علشان نبقي علي نفس مستواها لأنها مش بتقوم عن كدا … و قولتلها يا ايناس هنتصور الصوره الجاية و احنا كلنا واقفين ان شاء الله…الفجر ابو إيناس قالي ان الناس معتكفه من الفجر في الحرم في مكه و في القدس و في المسجد النبوي في المدينة و في الجوامع في السودان و تركيا و الإمارات و غيرهم من البلدان مهمتهم الدعاء بتيسير امور إيناس. و لما خلصت كل الناس دول من مختلف البلدان كانوا معاه علي التلفون من وقت ما خلصت عمليتها و انا بحلم باللحظه اللي هروح اشوف فيها إيناس و اخليها تقف، مش قادر استني و مش عارف استني بعد ٥ ساعات من العمليه روحت المستشفي و شوفت إيناس و لقيت واحده تانيه غير اللي شوفتها الصبح، إيناس اصحبت منتصبة القامه و مش عارف اوصف احساسي و لا احساس اهلها لكن اقدر اقول ان كرم ربنا كبير جداً علينا و لله الحمد يحيا العلم الف مره الفديوهات الخاصة بعمليه إيناس: ١- إيناس قبل و بعد جراحة تحدب نادر بالعمود الفقري اجراها د. هاني عبدالجواد. حاجه حلوه جامد تدي طاقة. https://www.youtube.com/watch?v=80UDyR0DUnU ٢- كمية بهجه غير عادية في لقاء الأمس مع إيناس و أسرتها‏. إيناس الفت شعر مرتين وقتي علي الواقف كدا https://www.youtube.com/watch?v=i9MPE6wwL04 ٣- اللحظات الأولي مع أسرة إيناس بعد العملية https://www.youtube.com/watch?v=j-FsNo21CaM ٤- استضافة دكتور هاني عبدالجواد و والد إيناس علي قناة العربية https://www.youtube.com/watch?v=NQjUgOdAEWQ ٥- تقرير قناة اورينت عن دكتور هاني عبدالجواد و الحراجة الاس اجراها لإيناس https://www.youtube.com/watch?v=OAOwxY6RvsQ ٦- استضافة دكتور هاني عبدالجواد و إيناس مع الإعلامي طوني خليفة https://youtu.be/s0uCHFRelXw
bottom of page